شهادة السيدة فاطمة ايت التاجر

باسم الله الرحمن الرحيم، السلام عليكم للجميع.

الشهادة لله غادي نشهد بداكشي لليترا للعائلة ديال المعتقلين نبدا بالمرحلة الأولى ديال الاختطاف.

كان ولدي مشا خارج مع 2 ومارجع ليا شاي، ومع العشية كايجيو عندي الناس وكيدقوا عليا وكيكولوا ليا حنا صحابوا فين مشا وبغيناه إيوا بقاوا واحد المدة كيسرسروا علينا وكيزعجونا وكيخلعونا في الآخر كيكول لهم ولدي أنا عندي 2 أولاد واحد مشا، وواحد هو اللي عندي، وماكينش الراجل كاينين عندي البنات كالهم أودي هادشي اللي كديروا لينا حرام أنا غادي نحيد ليكم الدفة ديال باب الدار وتبقاوا ادخلوا وماتبقاوش تخلعونا وتسرسروا علينا إيوا هاكداك كنا الولد ماعرفتوشاي في مشا. واش مات ولا هادي؟ كانكول ليهم غير كلو لينا شكون انتوما؟ شكون هادوا اللي كيجيوا يفتشوا على هذ الولد؟ واش مات واش اقتل شي واحد؟ اشنو عندو؟ إيوا دازت واحد المدة ديال 7 يام ديال التكرفيس عاد عيطوا لي الكوميسارية مشيت كالوا لي راه غادي نجيووا نفتشوا ليك الدار وهدي هدي وحنا راه البوليس. فعلا جاو للدار فتشوها وداو الكتوبا اللي لقاو ديال ولدي وديال حتى أباهم الله يرحمه. بقاو، بقاوا علينا قدام باب الدار إلى مشاو ولادي للمدرسة كيتبعونا، مشيت نتقدا كيتبعونا، ديك الساعة باقي ماتعرفتشي بالعائلات باقي ماعرفتشي آش كاين في الدنيا علاش هاذ الولد اتخطف أو ماعرفتوش آشنو عمل، كنقول ليهم أشنوا اعمل هذ الولد جيبوا ليا ولدي انتوما اللي عندكوم الجهد باش تجيبوا وتفتشو عليا، إيوا الحاصل بقينا فهذه المحنة هادي ما عرفناش ما عرفتش هذ الولد بقيت واحد المدة عاد كنسمع لواحد المجموعة ديال الناس فالقنيطرة ترات ليهم هاتشي تخطفو ليهم ولادهم تيكولوا راه معارفينش فين مشاوا ما عارفينش فين مشاوا نعياوا ما نسولوا ماعارفينش فين مشاوا ما نقدروا حتى نسولوا بقاوا العائلات الكلها ما بقاتش كتقدر تجي لعندنا حيت تيمشيووا يهددوهم ويلا مشى لعندنا شي واحد يسول علينا كيمشيوا عندوا يكولوا ليهم آش كيجيوكم فين مشا هذا وش درتوا؟ المهم بقينا مقطوعين على المجتمع ما بقى حتى شي واحد كيقدر يشمنا، حيث الناس كيخافو التهديد ديال البوليس إيوا بقينا هاكداك واحد المدة. واحد العام هكذاك في هذ المحنة وفي هذ الشي هذا، واحد عام و3 أشهر تعايلي عاد بانوا في الجرائد منين بانوا في الجرائد فالحبس ديال غبيلة فالدار البيضاء إيوا بقينا فالمحنة كبيرة كنمشيوا نديروا ليهم الزيارة كيتكرفسوا علينا هادوك المسؤولين ديال السجن وداكشي، الناس ديك الساعة عاد تعارفنا بالعائلات حتى طلعوهم للسجن عاد تعارفنا بالعائلات إيوا بقا شي كيعطف على شي وكيجيووا العائلات من تطوان من الناظور ومن طنجة وهذا كيجيبوا الماكلة ديالهم لولادهم وعرفت كيفاش كيجيووا بالمواصلات وكيفاش كيجيووا بالمصاريف كاين اللي وكاين اللي ماعندو مسكين. كايجيووا لقدام السجن إلى جا على خاطرهم كيدخلوا ليهم الماكلة لولادهم إلى كان غير تهزيتي شوية وكيعفسوها وكيقطعوها، ويكولك هادا دخل وهادي مادخل وإلى طيرتها ليهم كايكولك ما ديرش الزيارة سير حتى لنهار آخر، والله إلى كاينين الناس اللي كيباتوا في الزنقة باش يديروا الزيارة لغد ليه كيكولوا ليهم ماكايناش الزيارة سيروا حتى لسيمانة (الأسبوع) الآخرى عاود خاصهم يرجعوا لطنجة ولا يرجعوا لمراكش جميع الأنحاء ديال المغرب، المعتقلين الناس كتجي بعاد.

وبدينا عاد العائلات تيتعارفوا مساكن وتيتحانوا مع بعضياتهم كتشوف ديك الولية اللي درها درك بحالك بحالها هادي كيبداووا يجمعوا كاين الي عندها شي ذهيب كتبيعوا على ولدها كتشوف ديك الولد كتمناها باش يخدم عليها إيوا الحصل التكرفيس، منين بقاوا فداك السجن بقاوا فيه واحد المدة حنا عيينا من التكرفيص وداك الشي كيطلبوا بالمحاكمة دايرين الاضراب حنا عاوتاني تنطلعوا ونهبطوا مشينا لعند المسئولين و لعند الأمين في الدار البيضاء وكال هادي ودابا غادي نطلبوا باش يديروا ليهم المحاكمة واحد النهار مني عملوا ليهم المحاكمة بداو كيتحاكموا بغينا ندخلوا ماخلوناش ندخلوا نشوفوا ولادنا مرة يكولوا تدخل غير الأم ومرة يكولو يدخل غير الأخ ما يدخلوشاي. جينا عاود تنمشيووا عند المسؤولين تنطلبوا باش ندخلوا مشينا لعند العامل هبطنا لعندو للشارع جاووا الفاركونيطات ديال البوليس شدونا واحد 25 امرأة فيهم اللي عندها 80 عام اللي عندها هاديك كتكافح على ولدها تشوف كيفاش غدي تكون العملية، داونا للكوميسارية بتنا في الكوميسارية ذاك النهار، دخلنا مع الربعة وخرجنا مع التسعود ديال لاغد ليه إيوا شي كيبكي، وشي ماقدرش على ديك الشي خرجنا من الكوميسارية بقات المحكمة مستمرة ماكاينشاي بالتكرفيس، إلى مشينا للسجن ما كيخليوناش ندخلوا ليهم مايكلوا إلا جينا للمحاكمة غير السيمي وهادي العيالات الصغار البنات الصغار كيطرشوهم وكيضربوهم حنايا العيالات الكبار اللي كانوا هادوا شوية مرة كيدخلوا ومرة ماكيدخلو، اإيوا هاد الشي هادا دازت القضية ديال المحاكمة بالتكرفيص النهار اللي تحاكموا هبطوهم للسجن ديال القنيطرة وفرقوهم على السجون شي داوه للشاون شي فالقنيطرة وشي هذ الشي. وداوهم كيتكرفصوا عليهم فالسجن ديال القنيطرة ماشي دق عاد ديك الساعة عاود بدينا فالتكرفيص مع هادو أم داك الشي اللي قاصينا فغبيلة، الحليب كيشربوه ويدفكوه لينا كيكولك ما تخرجوهش بالنسبة ليا أنا جيت مع ولدي حيت ماعرفناشي فين بقينا النهار كامل دايرين الصف منين لحقنا لباب السجن كالك مادخلوشاي باق ديك الساعة ماعارفينش العائلات ما عندنا فين نباتوا، كالك ما دخلوشاي سيرو راه الباب، منين مشينا لهيه كالك سالت الزيارة قالوا لينا أجيوا غدا منين مشينا كالت حتى للثلاث الآخر مادخلوشي اليوم. داك الساعة باقي ما معرفينشي على العائلات النهار الأول علاش كنعاود منين ولينا معارفين مع العائلة شي كيعطف على شي، هادوك اللي كيجووا مساكن من تطوان ومن الناظور ومن طنجة ومن مراكش من جميع المدن ديال المغرب إلى ما خلاوهمش يدخلوا أولا ماتوفرتش. إلى درنا الصف وماجات النوبة لهاذوك تيكولوا لهم رجعوا حتى لغدا. كون غير تيكولوا ليهم حتى للسيمانة الأخرى. لغد ليه تيكولوا ليهم ماكينش دبال الزيارة ديالكم أنتوما ما تعملوش اليوم الزيارة، إيوا هاكداك عاد هودوا للقنيطرة عاملين الاضراب شي كذا وأربعين يوما وهما دايرين الاضراب، بداوا الأولاد تيطيحوا كيقولوا لينا مات بعدا فيهم البنت في الاضراب المنبهي الآخرين حمق تيكولوا لينا راه فلان حماق وراه فلان حماق، راه هذي والله العظيم إلى تنباتوا. أنا كنعطي الشهادة لله داكشي اللي شفت اللي عانيت أنا كنباتوا قدام السجن ديال القنيطرة باش نصيبوا الأخبار شكون مات وشكون حمق وشكون هذا، وداير بينا السيمي والتكرفيس. كاين بعض الناس اللي كيجيووا بحال الأستاذ بنعمر وبحال الأستاذ الجامعي وبحال بعض المحامين كيجيووا لعند دوك العيالات اللي كيطيحوا بالسكر كاين اللي مراض بالسكر كيجيووا كيعطيوهم قدام السجن كاين كاع اللي مريضة بحال أم واحد المعتقلة إيمان الحبشي هزوها مسكينة يومين قي السبيطار في القنيطرة حيث عندها السكر وما تقدرشاي إيوا الحَصٌل هما كيجيبوا الماكلة دوك العيالات مساكن كيجيبوا لهم الما وداكشي هذوك اللي خلاص سلاوا، كنبقاووا الليل والنهار قدام السجن فالأخير قلنا آش غدي نديروا؟ كنمشيووا لعند المسؤولين كنمشيووا لعند الاتحاد الاشتراكي كانكولوا لهم حنا مزاوكين فيكم باش إلى ما كتبوا لينا على هاد الولاد بغيناهم يحيدوا لهم هذا، كيكولوا لينا أودي راه ماعندنا مانديرو ليكم راه حنا بحالنا بحالكم حنا غانكتبوا عليكم اللي قدينا عليه كانمشيووا عند السي غلاب كنكولوا ليه حنا مزاوكين فيكم إلى ماكتبوا لينا فهذ الجريدة باش تكول لهذ الناس باش يحلوا لهم الإضراب راه كيموتوا وكيحمقوا راه هادوا ولادكم وولاد المغرب ماشي شي حاجة جات من الجنب كيقول لينا مسكين قال لينا والله حتى نكتبوا لكم مسكين كيكتبوا داكشي شويش حتى واحد ماعندو الجهد يدير شي حاجة، إيوا الحاصل آش غدي نديروا مشينا لجامع السنة اعتصمنا فيه، بدينا كنقراووا القرآن وكنصليووا وكنطلبوا الله سبحانه باش يطلقوا لنا ماشي يطلقوهم غير يطلقوا لهم داك الإضراب اللي داروا حيث تيموتوا وتيحماقوا كاين اللي حماق جا البوليس كالو ليك خرجوا راه غادي نديوكم لمراكش راه فيه سيدنا غادي نديكم باش يحل ليكم الإضراب خرجنا للباب لقينا الفاركونيطات واقفين طلعونا للفاركونيطات العيالات الكبار، العيالات الصغار كيطرشوهم إلى مابغاوش يطلعو ليهم، طلعونا للفاركنيطات وداونا للكوميساريا في الرباط داروا لينا المحضر وبتنا تماك فالكوميسارية العيالات شي 60 مراة، الرجال ما كايزيدوا معانا بزاف حيث كيقمعوهم. كيمشيووا غير الأمهات مساكن اللي ماعندهم غرض يمشيووا ولا يموتوا زعما عندهوم ولادهم احسن منهم، إيوا داونا للكوميسارية عاود بتنا فيها ديك الليلة لاغد ليه خرجنا جا اليوم العالمي لحقوق الإنسان مشينا عند ديك السيدة كلنا ليها الله يخليك شوفي شنو غادي ديروا لينا باش يحلوا لينا الإضراب لهادو، بقات مسكينة ظهر لي كانت السيدة أحلف كانت قالت لينا أودي أنا غادي نسد الباب تنخاف من البوليس، سدات الباب مسكينة قال عطيوني اللي يهضر معايا تدير التيليفونات إلى آخره، مني جينا نخرجوا لقينا عاود الفركونيطات واقفين كان الأستاذ بنعمرو، وحدَة طاحت بالسكر جاب ليها مسكين الما اعتقلوه هو ديك الساعة وعاود اعتقلوا المجموعة ديال العائلات داوهم عاوتاني باتوا فالكوميسارية إيوا هكذا كانت القضية ديال الاضراب، ما خلينا زعما ما تكرفسنا ومنين طاح كلشي ما بقى فيه ما يتشاف طلعوهم للسبيطار ديال القنيطرة، بقا السيمي كيدور وبقات القوة تدور ومني كنمشيووا ماكيخليونا نديروا الزيارة ما كنشوفوا ولادنا ماكنعرفوا شكون مات ولا شكون حي. بقات الناس جات أنا كانت الدار ديالي فالقنيطرة محلولة للجميع هادوك مسكان اللي في الشمال واللي في طنجة ومن مراكش العيالات كبار كاين اللي ماعندوشي باش يرجع كنجمعوا ليه باش يرجع وحنا كلنا كيف كيف جاو الناس من كل بلاد وكيباتوا عندي، وهاذي، تنعطيوهم لناس آخرين كنكول ليهم هادوا راه بعاد يباتوا عندكم، حتى حلوا ليهم الإضراب إيوا بقينا عاوتاني فالمصائب ديال السجون إيوا هكذا كانت القضية ديال الشهادة ديالي في العائلات.

العائلات صادفوا المشاكل بزاف كاين العيالات اللي طلقوا من رجالاتهم حيث خوتهم مشدودين وكيمشيووا البوليس ديك الساعة اللي تخطفوا الدراري يسولوهم عليهم كيكول ليها رجلها أنا ماعندي علاقة بهاذ الشي ما يجيوش عندي، البنت ما كتسمحشي فخوها كتسمح في الراجل طلقت ماشي وحدة ماشي جوج، كاين بزاف ديال المشاكل إيوا مشينا لوزارة العدل اعتصمنا تما قلنا ليهم ماغديشاي نخرجوا حتى يطلقوا لينا الإضراب لولادنا جابوا البوليس شدنا فوسط وزارة العدل عاود تاني مشينا بتنا فوسط الكوميسارية قلنا آش غدي نديروا قلنا غادي نمشيووا للبرلمان مشينا للبرلمان ماخلوناش ندخلوا جينا دخلنا من اللور الناس كالسين حتى دخلنا عليهم، الناس مساكين كيواسيونا كيكولوا لينا دبا انشوفوا دبا نهضروا مع الناس كل واحد كيعطينا خو كلامنا وصافي، إيوا وكنعدروهم علاحقاش ما كاينشاي حيث ديك الساعة كانت الناس كلها بحال بحال تقريبا، ولكن داكشي اللي نزل علينا ما نزل على حد كاين عاوتاني كنظن أنا باللي المعتقلين كالسين في السجن وحنا اللي على برا اللي ممرتين، كتخمم فولدك اللي كيدوز العامات في السجن وهو باقي صغير وأنت دربت معاه تمارة باش يكبر ويخدم عليك وهو هاهو في السجن، عاوتاني كتشوف المصيبة ديال الصائر شي عندو ما يصير وشي ماعندو مايصير حتى إلى والله إلا كيكولو لي العيالات السيمانة كلها كينقصوا من الصاير ديال ولادهم باش يجمعواما يديووا لولدهم في السجن ومني كايديوه هادوك اللي كنعطيوهم الماكلة باش يدخلوها ليهم إلى عجباتهم شي حاجة كيحيدوها. كيدوزوا ليهم غير اللي ما بغاووا. (هادي خصنا نحيدوها هادي ماعرفناهاش آشنو فيها) كيجيووا العيالات كيبكيووا عشرة للعين تيكولك حتى داكشي اللي جمعت لولدي ما خلاونيش ندخلوا ليه، زعما التكرفيص ديالنا الله يجعلها من مغفرة الذنوب والسلام.

إيوا الحاصول كنمشيووا عند أسميتوا المسؤولين شي 3 خطرات مشينا لإدارة السجون تنكولوا ليهم طلقوا لينا الإضراب لولادنا راهم تيموتوا راهم تيحماقوا وفيهم حماق اللي دابا عما وكاين اللي مات بالأعصاب مثلا بحال المودن ملي خرج بالأعصاب مات شحال من واحد ودابا هاد الساعة الحمد لله أحسن من ديك الساعة وكنتمنا هاد الساعة دبا اللي جات تكون احسن من هادي دبا، الله يجعل أخيرنا أحسن من أولنا.

قداتم السجن ديال القنيطرةباش نصيبوا الأخبار شكون مات وشكون هحمق وشكون هذا وداير بينا السيمي والتكرفيس كاين بعض الناس بحال الأستاذ بنعمر والأستاذ الجامعي وبحال بعض المحامين كيجيووا لعند دوك العيالات اللي كيطيحوا بالسكر كاين اللي مراض بالسكر كيجيووا قدام السجن. كاين كاع اللي مريضة بحال أم واحد المعتقلين هزوها للسبيطار في القنيطرة يومين ما تقدرشاي إيوا الحصل هما كيجيبوا الماكلة لهادوك العيالات مساكن كيجيبوا لهم الما وداكشي كنبقاووا الليل والنهار قدام السجن فالأخير كنمشيووا لعند المسؤولين كنمشيووا لعند الاتحاد الاشتراكي كانكولوا لهم حنا مزاوكين فيكم باش إلأى ما كتبوا لينا على هاد الولاد بغيناهم يحيدول لهم هذا. كيكولوا لينا أودي راه حنا بحالكم بحالنا حنا غانكتبوا عليكم اللي قدينا عليه كانمشيووا عند السي غلاب كنكولوا ليه حنا مزاوكين فيكم إلى ماكتبوا لينا فهذ الجريدة باش تكول لهذ الناس باش يحلوا لهم الاضراب راهم كيموتوا وكيحمقوا راه هادوا ولادكم وولاد المغرب ماشي شي حاجة جات من الجنب مسكين كال لينا والله حتى نكتبوا لكم مسكين كيكتبوا داكشي شويش حتى واحد ماعندو الجهد يدير شي حاجة.

إيوا الحاصل آش غدي نديروا، مشينا لجامع السنة اعتصمنا فيه بدينا كنقراووا القرآن وكنصليووا وكنطلبوا الله سبحانه باش يطلقوا لنا ماشي يطلقوهم غير يطلقوا لهم داك الاضراب اللي داروا حيث تيموتوا وتيحماقوا. جا البوليس كالو ليك خرجوا راه غادي نديوكم لمراكش راه فيه سيدنا غادي نديكم باش يحل ليكم الاضراب خرجنا للباب لقينا الفاركونيطات واقفين طلعونا للفاركونيطات العيارت الكبار. العيالات الصغار كيطرشوهم إلى مابغاوش يطلعو ليهم.

طلعونا للفاركنيطات وداونا للكوميساريا بتنا تماك داروا لينا المحضر وبتنا تماك فالكوميسارية العيالات الرجال ما كايزيدوا معانا بزاف حيث كيقمعوهم كيمشيووا غير العيالات مساكن زعما عندهوم ولادهم احسن من الحياة ديالهم إيوا داونا الكوميسارية بتنا فيها ديك الليلة لاغد ليه خرجنا جا اليوم العالمي لحقوق الانسان مشاينا عند ديك السيدة كلنا ليها الله يخليك شوفي شنو غادي ديروا لينا باش يحلوا لينما الاضراب هادو كانت كالت لينا أودي أنا غادي نسد الباب كتخاف من البوليس.

بقات تدير التيليفونات إلأى آخره مني جينا نخرجوا لقينا عاود الفركونيطات واقفين كان الأستاذ بنعمرو وحدة طاحت بالسكر جاب ليها الما اعتقلوه هو ديك الساعة وعاود اعتقلوا المجموعة ديال العائلات داوهم عاوتاني باتوا فالكوميسارية وهكذا كانم القضية ديال الاضراب ما خلينا زعما ما تكرفسنا ومنين طاح كلشي ما بقى فيه ما يتشاف طلعوهم للسبيطار ديال القنيطر بقا السيمي كيدور وبقات القوة تدور ومني كنمشيووا ماكيخليونا نديروا الزيارة ماكنعرفوا شكون مات ولا شكون حيا بقات الناس جات أ،ا كانت الدار ديالي فالقنيطرة محلولة للجميع هادوك الناس اللي كيجيووا من طنجة ومن مراكش العيالات كبار كاين اللي ماعندوشي باش يرجع كنجمعوا ليه باش يرجع وحنا كلنا كيف كيف جاو الناس من كل بلاد وكيباتوا عندي وهاذي تنعطيوهم لناس آخرين كنكول ليهم هادوا راه غادي يباتوا عندكم وهادي، حتى حلوا ليهم الإضراب إيوا بقينا عاوتاني فالمصائب ديال السجون.

إيوا هكذا كانت القضية دياتل الشهادة ديالي في العائلات. العائلات صادفوا المشاكل بزاف كاين العيالات اللي طلقوا من رجالاتهم حيث خوتهم مشدودين وكيمشيووا البوليس ديك الساعة اللي تخطفوا الدراري يسولوهعم عليهم كيكول ليها رجلها أ،ا ماعني علاقة بهاذ الشي. البنت ما كتسمحشي فخوها طلقت ماشي وحدة ماشي جوج كاين بزاف ديال المشاكل مشينا لوزارة العدل اعتصمنا تما كلنا ليهم ماغيشاي نخرجوا حتى يطلقوا لينا الاضراب لولادنا جابوا البوليس شدنا فوسط وزارة العدل عاود تاني مشينا بتنا فوسط الكوميسارية كلنا آش غدي نديروا كلنا غادي نمشيووا للبرلمان مشينا للبرلمان ماخلوناش ندخلوا جينا دخلنا من الور الناس واقفين حتى دخلنا عليهم.

الناس مساكين كيواسيونا كيكولوا لينا دبا انشوفوا دبا نهضروا مع الناس كل واحد كيعطينا خو كلامنا وصافي. إيوا وكنعدروهم علاحقاش ما كاينشاي حيث ديك الساعة كانت الناس بحال بحال تقريبا ولكن داكشي الي نزل علينا ما نزل على حد كاين عاوتاني كنظن أ،ا باللي المعتقلين كالسين في السجن وحنا اللي على برا اللي مرتين كتخمم فولدك اللي كيدوز العامات في السجن وهو باقي صغير وأنت دوزت معاه تمارة باش يكبر ويخدم عليك وهو هاهو في السجن عاوتاني كتشوف المصيبة ديال الصائر شي عندو ما يصير وشي ماعندو مايصير حتى إلى والله إلى كيكولو لي العيالات السيمانة كلها كينقصوال من الصاير ديال ولادهم باش يوفروا ما يديووا لولدهم في السجن ومني كايديوه هادوك اللي كنعطيوهم الماكلة باش يدخلوها ليهم إلى عجباتهم شي حاجة كياخدوها.

كيدوزوا ليهم غير اللي ما بغاووا هادي خصنا نحيدوها هادي ماعرفناهاش آشنو فيها كيجيووا العيالات كيبكيووا عشرة للعين تيكولك حتى داكشي اللي جمعت لولدي ما خلاونيش ندخلوا ليه زعما التكرفيص ديالنا الله يجعلها من مغفرة الذنوب إيوا الحاصول كنمشيووا عند المسؤولين شي 3 خطرات مشينا لإدارة السجون تنكولوا ليهم طلقوا لينا الاضراب لولادنا راهم تيموتوا راهم تيحماقوا وفيهم اللي دابا عما وكاين اللي مات بالأعصاب مثلا بحال المودن مني خرج مات بالأعصاب ودابا هاد الساعة الحمد لله احسن من ديك الساعة وكنتمنا هاد الساعة دبا اللي جات تكون احسن من هادي دبا الله يجعل أخيرنا احسن من أولنا.